Алакөл ауданында Балаларды қорғау күніне арналған шара өтті

ҚР ҰҚК Шекара қызметі Жетісу облысы бойынша департаменті Алакөл ауданы бойынша шекара басқармасында 1 маусым – Халықаралық балаларды қорғау күніне орай әскери қызметшілердің балаларына арналған мерекелік шара ұйымдастырылды.

Іс-шара барысында балаларға арналған ойын-сауық және танымдық бағдарламалар өткізіліп, мерекелік көңіл-күй сыйланды. Сонымен қатар, қатысушыларға тәтті сыйлықтар табысталып, түрлі қызықты ойындар ұйымдастырылды.

Мерекелік шара балаларға қуаныш сыйлап, отбасы құндылықтарын дәріптеуге бағытталды.

ҚР ҰҚК Шекара қызметі Жетісу облысы бойынша департаменті