Бірінші орынды жеңіп алды

35

Талдықорған қаласындағы Н. Назарбаев Зияткерлік мектебінің оқушылары  хореограф  Аслан Мұртазалиевтің жетекшілігімен «Горец» би  ансамблі  құрамында  «Танцуй Всей Душой»  халықаралық хореографиялық өнер байқауында  Super  гран-при,  Гран-при және 1-ші орынды жеңіп алды.

Талдықорған  командасы  қазылар  алқасы  мен  көрермендерге  «Заманауи стильдендірілген би»  «Кавказ ырғақтары», «Горец» атты үш биін ұсынды.

Жас бишілердің шеберлікпен орындаған би өнері көрермендерді тәнті етті.

 «Байқаудан бөлек қатысушыларға ауқымды мәдени бағдарлама ұйымдастырылды»,  – дейді Аслан Мұртазалиев. – Түркістанда болдық, тарихи, киелі жерлерді, жергілікті хайуанаттар бағын, дендросаябақты араладық. Байқау ұйымдастырушыларына және, әрине, балаларымызға және олардың ата-аналарына алғысымызды білдіреміз.

Талдықорған қаласындағы Назарбаев Зияткерлік мектебінің «Горец» би ансамблі бірнеше рет халықаралық, республикалық, аймақтық хореографиялық байқаулардың жеңімпазы атанды, соның ішінде Халықаралық «Dance Extravaganza» турнирлерінде «Гран-при», Талдықорған қаласында өткен Республикалық «Дала сазы» байқауында «Гран-при», Алматы қаласында өткен Республикалық «Көркем би» байқауында І орын иегері атанды.

ӨЗ ТІЛШІМІЗ

Бөлісу: