АБАТТАНДЫРУ ЖҰМЫСЫ ЖҮРГІЗІЛДІ

ҚР ҰҚК Шекара қызметі Жетісу облысы бойынша департаменті мен қарамағындағы басқарма бөлімшелерінде әскери ұжымдар орналасқан ғимараттардың аумағы мен жұмыс кабинеттерін тазалау шарасы ұйымдастырылды.

«Таза Қазақстан» акциясына әскери қызметшілердің барлығы үлкен ынтамен қатысты. Бірі күрекпен тал-теректердің түбін қопсытса, бірі жел ұшырып әкелген қоқыс қалдықтарын жинады.
Тазалау жұмыстарымен қатар гүлдер мен тал-теректердің көшеттерін отырғызуға жалғасқан шараның арқасында шекара сақшыларының қоныс тепкен аумақтарында абаттану жұмыстары қатар жүрді.

«АЛАТАУ-АҚПАРАТ»